| ||
ههتــــــــــــــــــــــــــاو
هێشتا رهنگێك له روانینما له ههموو رهنگێ جوانتره هێشتا نیگام له پهنجهرهی ئێوارانی پاییزێكی شهرمنهوه لێت دهروانێ گهرچی باخێكی سووتاوی و خۆم داوهته بهر شهپۆلی شێت بوونێ ژیر پهنجهكانم لهسهرمانا ههڵدهلهرزن چهند دڵرهقه سهرما و سۆڵی ئهو ئاگره هێشتا ههتاو خاكی من نیشتمانییهتی و له مندا نه بێت ههڵنایه هێشتا كهسێك له هیچ كهسی دنیا ناچێ پرووشهی وشهی تهرمهكا و بههێزتره ، لهچی توورهیی زریان و گوێزانی دهم رهشهبایه هێشتا خۆی پهلكهزێرینهی پاش ماچی نمهی بارانمه هێشتا سهدای " عهزیز گیان " ێ شینایی قووڵی ئاسمانمه ئێستا له دوای رهتلێكی شهو قومرییهكی شاباڵ شین دێتهوه هێلانهی وێران پرم دهكا له چریكه ، له دهنگی گری غهریبان تهنها له گومهزی دڵما تێدهگا له مانای سووتان هێشتا پهنجهم بۆنی قــــژی تۆی لێوه دێت دهستیش نهوازشی گهردن ههوریش نهبێت تۆ دادهكهی له كێڵگهی نێرگسهجارما بارانـــــــــــــــــــــــــــــــــــــــــــــــــــــــــــــــه ژن هێشتا و ... هێشتا و،، ه..ێ .. ش.. ت ..ا ..!!.
* ف . سهلام *
|
||
Qadirzada.com © 2009-2022. All rights reserved
|
||